മലപ്പുറം :മുഖ്യമന്ത്രി പിണറായി വിജയനെതിരെ പരസ്യ വിമർശനം നടത്തിയ നിലമ്പൂർ എം.എൽ.എ പി.വി.അൻവർ ഇനി പാർട്ടിയുടെ ശത്രുവെന്ന് ഉറപ്പായി.

അൻവറിന്റെ നിലമ്പൂരിലെ വീടിനു മുന്നിൽ സിപിഎം ഒതായി ബ്രാഞ്ചിന്‍റെ പേരിൽ ഫ്ലക്സ് ബോര്‍ഡ് സ്ഥാപിച്ചതോടെയാണ് ഇക്കാര്യത്തിൽ 'തീരുമാനമായത്' .‘വിരട്ടലും വിലപേശലും ഇങ്ങോട്ട് വേണ്ട, ഇത് പാര്‍ട്ടി വേറെയാണ്’ എന്നെഴുതിയ ഫ്ലക്സ് ബോര്‍ഡിൽ പിണറായി വിജയന്‍റെയും എം.വി. ഗോവിന്ദന്‍റെയും ചിത്രങ്ങളുമുണ്ട്.

Also Read

ബംഗാൾ സർക്കാറുമായി നിസഹകരണം തുടരും : ജൂനിയർ ഡോക്ടർമാരുടെ സമരം അവസാനിപ്പിച്ചു

അതേസമയം, പി.വി.അൻവറിനെ പിന്തുണച്ച് മലപ്പുറം ടൗണിലും നിലമ്പൂരിനടുത്ത് തുവൂരിലും ഫ്ലക്സ് ബോർഡുകൾ ഉയർന്നു.ലീഡര്‍ കെ. കരുണാകരൻ ഫൗണ്ടേഷൻ സംസ്ഥാന കമ്മിറ്റിയുടെ പേരിലുയർന്ന ഫ്ലക്സിൽ  പി.വി. അൻവറിന് അഭിവാദ്യങ്ങള്‍ എന്നാണ് രേഖപ്പെടുത്തിയിരിക്കുന്നത്.